തെലങ്കാനയില്‍ ആയിരം കോടിയുടെ നിക്ഷേപം പ്രഖ്യാപിച്ച് കിറ്റക്‌സ്; 4000 പേര്‍ക്ക് തൊഴില്‍

തെലങ്കാനയില്‍ ആയിരം കോടിയുടെ നിക്ഷേപം പ്രഖ്യാപിച്ച് കിറ്റക്‌സ്; 4000 പേര്‍ക്ക് തൊഴില്‍

ഹൈദരാബാദ്: തെലങ്കാനയില്‍ ആയിരം കോടി രൂപയുടെ നിക്ഷേപ പദ്ധതി പ്രഖ്യാപിച്ച് കിറ്റക്‌സ്. തെലങ്കാന വ്യവസായ മന്ത്രി കെടി രാമ റാവുവുമായി ഇന്ന് നടത്തിയ ചര്‍ച്ചയ്ക്ക് ശേഷമാണ് പ്രഖ്യാപനം. തെലങ്കാന സന്ദര്‍ശനത്തിന്റെ ആദ്യദിനം തന്നെ നാലായിരം പേര്‍ക്ക് തൊഴില്‍ ലഭിക്കുന്ന ഡീലാണ് കിറ്റക്‌സ് പ്രഖ്യാപിച്ചിരിക്കുന്നത്.
ഹൈദരാബാദില്‍ നിന്നും 150 കിമീ അകലെയുള്ള വാറങ്കല്‍ ജില്ലയിലെ കാക്കത്തിയ മെഗാ ടെക്‌സ്‌റ്റൈല്‍ പാര്‍ക്കിലാണ് കിറ്റക്‌സ് ടെക്‌സ്‌റ്റൈല്‍ അപ്പാരല്‍ പ്രോജക്ട് തുടങ്ങുക.

രണ്ടു വര്‍ഷം കൊണ്ടാണ് ആയിരം കോടി നിക്ഷേപിക്കുക. 4000 പേര്‍ക്ക് ഇതുവഴി തൊഴില്‍ നല്കാനാകുമെന്നും കിറ്റക്‌സ് എംഡി സാബു ജേക്കബ് പ്രസ്താവനയിലൂടെ അറിയിച്ചു. കിറ്റക്‌സിന്റെ തീരുമാനത്തെ തെലങ്കാന വ്യവസായമന്ത്രി കെടി രാമറാവു സ്വാഗതം ചെയ്തു.
ഇന്ന് ഹൈദരാബാദില്‍ തങ്ങുന്ന സാബു ജേക്കബിന്റെ നേതൃത്വത്തിലുള്ള ആറംഗ സംഘം നാളെയാണ് കേരളത്തിലേക്ക് മടങ്ങുന്നത്. നാളെ രാവിലെയും തെലങ്കാന സര്‍ക്കാര്‍ പ്രതിനിധികളുമായി കിറ്റക്‌സ് സംഘം ചര്‍ച്ച നടത്തുന്നുണ്ട്. ഡീല്‍ ആയിരം കോടിയില്‍ ഒതുങ്ങുമോയെന്നാണ് ഇനി അറിയേണ്ടത്.

Facebook Comments Box

Leave a Reply

Your email address will not be published. Required fields are marked *